গুৱাহাটী/দিল্লী, ডিচেম্বৰ ১২:
অসমত নিজৰ হেৰুৱাই থকা আধাৰ পুনৰ শক্তিশালী কৰিবলৈ কংগ্ৰেছ এতিয়া সম্পূৰ্ণ শক্তিৰে কাম কৰি আছে। এই পৰিপ্ৰেক্ষিতত বিমুখ হোৱা অসম গণ পৰিষদ (AGP) আৰু ভাৰতীয় জনতা পাৰ্টি (BJP)–ৰ কেইবাজনো গুৰুত্বপূর্ণ নেতা শুক্ৰবাৰে নবদিল্লীৰ কংগ্ৰেছ মুখ্য কাৰ্যালয়ত যোগদান কৰে।
কংগ্ৰেছৰ জাতীয় সাধাৰণ সম্পাদক কে.চি. ভেণুগোপালে আনুষ্ঠানিকভাবে বুবুল দাস, আশোক কুমাৰ ৰায় (প্ৰধানী), গৌতম ধানোৱৰ, লংকি তাকবীসহ আন কেইজনমান নেতাক দলত অন্তৰ্ভুক্ত কৰে। এই যোগদানক অসমত কংগ্ৰেছৰ শক্তি বৃদ্ধি কৰাৰ দিশত এটা গুৰুত্বপূর্ণ পদক্ষেপ বুলি ধৰা হৈছে।
এই উপলক্ষে অসম প্ৰদেশ কংগ্ৰেছৰ সভাপতি গৌৰৱ গগৈয়ে মুখ্যমন্ত্ৰী হিমন্ত বিশ্ব শৰ্মাৰ ওপৰত তীব্ৰ আক্রমণ কৰে।
গগৈয়ে কয়—
“অসমত লোকসকল ভয়ৰ পৰিৱেশত জীৱন যাপন কৰিবলৈ বাধ্য হৈছে। বিজেপিয়ে ভয় আৰু দমননীতিৰে ৰাজ্যক চালাইছে। কংগ্ৰেছ এই ভয়ৰ ৰাজনীতি শেষ কৰাৰ যুদ্ধ আৰম্ভ কৰিছে।”
তেওঁৰ ভাষ্য অনুসাৰে, কংগ্ৰেছ পুনৰ মাটিকালি পুনৰুদ্ধাৰৰ উদ্যোগ লৈছে আৰু ৰাইজৰ অধিকাৰ, গণতন্ত্ৰ আৰু শান্তিয়েই তেওঁলোকৰ মুখ্য লক্ষ্য |
কংগ্ৰেছৰ শীৰ্ষ নেতৃবৃন্দৰ মতে—
এই যোগদানৰ ফলত দলটি মানুহৰ মাজত পুনৰ বিস্তাৰ লাভ কৰিব আৰু ২০২৬ৰ বিধানসভা নিৰ্বাচনৰ আগতেই অসমত এটা শক্তিশালী বিকল্প ৰূপে কংগ্ৰেছ পুনৰ প্ৰতিষ্ঠিত হ’ব।
